ShUǴYL: QR Indýstrııa mınıstrliginiń 6 komıtetine jańa basshylar keldi
Bul týraly vedomstvonyń aqparat basqarmasynan málim etti.
Máselen, Ónerkásip komıtetiniń tóraǵasy bolyp 55 jastaǵy Baqtybaı Áshimbekuly Qasymbekov taǵaıyndaldy. B.Á. Qasymbekov Lenıngrad tehnologııalyq ınstıtýtyn úzdik dıplommen, Máskeý memlekettik patent taný jáne ónertabys ýnıversıtetin, QazGZA, Máskeý jalpy jáne organıkalyq emes hımııa ınstıtýtynyń aspırantýrasyn bitirgen. Tehnıka ǵylymdarynyń doktory. QR PMK óńirlik damý bóliminde, QR BǴM Ǵylym komıtetiniń tóraǵasy, Qorshaǵan ortany qorǵaý mınıstrliginiń apparat basshysy, QR Bilim jáne ǵylym mınıstrliginiń vıtse-mınıstri bolyp qyzmet atqarǵan.
Atom energııasy komıtetiniń tóraǵasy bolyp 48 jastaǵy Májıt Beısenbaıuly Sháripov taǵaıyndaldy. M.B. Sháripov atom stantsııalary jáne qondyrǵylary mamandyǵy boıynsha Obnınsk atom energetıkasy ınstıtýtyn aıaqtaǵan. 2008 jyldan bastap QR Atom energııasy agenttiginiń, IJTM, QR Energetıkasy mınıstrliginiń Atom energııasy jáne ónerkásibi departamentiniń dırektory bolyp qyzmet atqardy.
Týrızm ındýstrııasy komıtetiniń tóraǵasy bolyp 38 jastaǵy Marat Nesipqalıuly Igalıev taǵaıyndaldy. Aqtóbe pedagogıkalyq ınstıtýtynyń tarıh jáne geografııa fakýltetin, QR Prezıdenti janyndaǵy Memlekettik basqarý akademııasyn, Almaty ekonomıka jáne statıstıka ınstıtýtyn, áli-Farabı atyndaǵy QUÝ aspırantýrasyn aıaqtady. Saıası ǵylymdarynyń kandıdaty. QR Prezıdentiniń Ákimshiliginde; QR Qaýipsizdik Keńesiniń Analıtıkalyq ortalyǵynda; QR QOQM ekologııalyq retteý komıtetiniń orynbasary; QR IJTM Saýda komıtetiniń orynbasary; QR IJTM Atom energııasy komıtetiniń orynbasary; ındýstrııa jáne jańa tehnologııalar mınıstriniń keńesshisi; 2012 jyldyń tamyzynan - QR IJTM Ákimshilik-kadrlyq jumys departamentiniń dırektory laýazymdarynda qyzmet atqardy.
Sondaı-aq 3 komıtet tóraǵalary qaıta taǵaıyndaldy. Atap aıtqanda, QR IJTM Memlekettik energetıkalyq qadaǵalaý jáne baqylaý komıtetiniń tóraǵasy bolyp osy laýazymǵa 2010 jyldyń jeltoqsan aıynda taǵaıyndalǵan 43 jastaǵy Arman Alashuly Turlybek qaıta taǵaıyndaldy.
QR IJTM Geologııa jáne jer qoınaýyn paıdalaný komıtetiniń tóraǵasy bolyp osy laýazymǵa 2012 jyldyń jeltoqsan aıynda taǵaıyndalǵan 53 jastaǵy Bazarbaı Qanaıuly Nurabaev qaıta taǵaıyndaldy.
QR IJTM Investıtsııalar komıtetiniń tóraǵasy bolyp osy laýazymǵa 2013 jyldyń aqpan aıynda taǵaıyndalǵan 35 jastaǵy Erlan Qartaıuly Haırov qaıta taǵaıyndaldy.