ShUǴYL: «Qorǵas» isi boıynsha 45 adam qamaýǵa alynyp, taǵy 18-i izdeýge jarııalandy

ASTANA. 27 sáýir. QazAqparat - «Qorǵas» isi boıynsha 45 adam qamaýǵa alynyp, taǵy 18-i izdeýge jarııalandy.

Bul týraly QR Qarjy polıtsııasynan habarlady.

«Agenttikpen «Qorǵas» pen «Qaljat» keden beketterinde ekonomıkalyq kontrabandamen aınalysý jáne uıymdasqan qylmystyq qaýymdastyq qurý, oǵan basshylyq etý jáne onyń qyzmetine qatysý faktileri boıynsha qozǵalǵan qylmystyq istiń tergeýi aıaqtaldy. Bul qylmystyq is boıynsha 45 adam qamaýǵa alyndy, taǵy 18 adam izdeýge jarııalandy», - delingen taratylǵan baspasóz aıǵaǵynda.

Búgingi kúni aıyptalýshylar men olardyń qorǵaýshylaryn qylmystyq is materıaldarymen tanystyrý júrip jatyr.