ShUǴYL: «Qazaqstan Temir Joly» enshiles kompanııasynyń burynǵy basshysyna qylmystyq is qozǵaldy

ASTANA. 17 qarasha. QazAqparat - QR Ekonomıkalyq qylmysqa jáne sybaılaı jemqorlyqqa qarsy kúres agenttiginiń Astana qalalyq departamenti «Qazaqstan Temir Joly» UK» AQ-nyń enshiles kompanııasy «Transtelekom» AQ-nyń eks-prezıdentine qatysty qylmystyq is qozǵady.

Qylmystyq is QR Qylmystyq kodeksiniń 176 baby 3 tarmaǵynyń «b, g» tarmaqshalary boıynsha qozǵalyp otyr.

«Kompanııanyń burynǵy prezıdenti jáne aty-jóni anyqtalmaǵan tulǵa 2009 jyldyń mamyry men 2011 jyldyń qarashasy aralyǵynda «QTJ» UK» AQ-na «KT&T» JShS-men № 63-1/16 konsortsıonaldy kelisim boıynsha qyzmet kórsetý barysynda «Transtelekom» AQ-nyń 319 439 054 teńge somasyndaǵy aqsha qarajatyn ıemdenip, talan-tarajǵa salǵan», - dep túsindirdi qarjy polıtsııasy.

QazAqparat tilshisine qalalyq qarjy polıtsııasynyń habarlaýynsha, basqa aqparattar tergeý múddesine oraı taratylmaıdy.