ShUǴYL: Qarjy polıtsııasy «QTJ» UK enshiles kásipornynyń burynǵy top-menedjerin ustady

ASTANA. 4 qyrkúıek. QazAqparat - Keshe Qarjy polıtsııasy agenttigindegi «Transtelekom» AQ («QTJ» UK» AQ quryltaıshysy bolyp tabylady) burynǵy birinshi vıtse-prezıdenti Abdrahmanov jaýap berýden keıin ustaldy. Qazirgi kezde ol «Qazpochta» AQ basqarýshy dırektory - «Korporatıvtik satylym dırektsııasy» fılıalynyń dırektory bolyp tabylady, dep habarlady QR Qarjy polıtsııasy agenttiginiń baspasóz qyzmetinen.

Oǵan 2006 jyly «Transtelekom» AQ birinshi vıtse-prezıdenti bolǵan kezinde, óz qyzmettik ýákilettigin teris paıdalanyp, «KT&T» JShS-men konsortsıaldyq kelisim-shartqa zańsyz qol qoıyp, memleketke 4,1 mlrd. teńge zalal keltirgen dep kúdik taǵylýda.

Astana qalasy boıynsha Qarjylyq baqylaý ınspektsııasy mamanynyń qorytyndysy boıynsha «Transtelekom» AQ men «KT&T» JShS arasyndaǵy kelisimshart jalǵan mámile bolyp tabylady. Ol memlekettiń 4,1 mlrd. teńgesiniń negizsiz tólenýine ákelip soqqan.

Aǵymdaǵy jylǵy 14 tamyzda Qazaqstan Respýblıkasy Joǵarǵy sotynyń Azamattyq jáne ákimshilik ister boıynsha qadaǵalaý sot alqasymen atalmysh konsortsıaldyq kelisimshart jaramsyz dep tanyldy.

Búgingi kúni Abdrahmanovqa qatysty bultartpaý sharasyn qoldaný máselesi sheshilýde.

Tergeý júrgizilýde, nátıjeleri jurtshylyqqa jarııa etiletin bolady.