ShUǴYL: Avtokólikti basqarýǵa senimhatty ınternet arqyly tirkeý múmkindigi týady - QR ІІM

ASTANA. 29 qarasha. QazAqparat - ІІM-niń Jol polıtsııasy komıteti qazirgi ýaqytta kólik quraldaryn senimhat boıynsha basqaratyn adamdardy tirkeý rásimin ońaılatý maqsatynda olardy jol polıtsııasynda «elektrondyq úkimet» portaly arqyly tirkeý máselesin pysyqtaýda.

Bul týraly atalmysh komıtettiń baspasóz qyzmetinen habarlady.

Osyndaı tirkeý quqyǵyn tek kólik quralynyń ıesi ǵana paıdalana alady, bul rette  Internetke kirý múmkindigi men elektrondyq sandyq qoltańbasy bolýy tıis.

«Bul rásim barynsha qarapaıym bolady.  Tirkelgen qujattar boıynsha aqparat ІІM bazasyna jedel kelip túsetin bolady. Bul rette osyndaı qyzmetti kez kelgen kúni jáne kez kelgen ýaqytta alýǵa bolady», - dep atap ótti ІІM Jol polıtsııasy komıtetiniń tóraǵasy Berik Bısenqulov.  

Bul jańashyldyq avtokólikti senimhat boıynsha basqaratyn adamdarǵa qandaı da bir qujat toltyryp, jol polıtsııasy bólimshelerine baryp, kezekte turýdy qajet etpeıtinimen ońtaıly.

Aıta keteıik, qazirgi ýaqytta avtokólikti senimhat boıynsha basqaratyn adamdarǵa jol polıtsııasy bólimshelerine tikeleı baryp, jeke basyn kýálandyratyn qujattardy, kólik quralyn tirkeý týraly kýáligi men senimhatty usyný qajet.