Shýda jol apatynan qyz bala kólikte janyp ketti, eki adam aýrýhanada

ShÝ. QazAqparat – Jambyl oblysynda bolǵan jol apatynda 21 jastaǵy qyz kólik ishinde janyp ketti, eki adam aýrýhanaǵa tústi, dep habarlaıdy QazAqparat Polisia.kz saıtyna silteme jasap.

Oqıǵa 9 qyrkúıek kúni saǵat 01.30 shamasynda Shý qalasynda bolǵan.

«Mercedes Benz avtokóliginiń 30 jastaǵy júrgizýshisi Seıfýllın kóshesimen úlken jyldamdyqpen kele jatyp, 29 jastaǵy jergilikti turǵynnyń basqarýyndaǵy Volkswagen Golf kóliginiń artqy jaǵyna soǵylǵan. Qatty soqqydan Volkswagen Golf órtene bastaǵan, keıin ınertsııamen VAZ-21150 kóliginiń aldyńǵy jaǵyn soqqan.

Saldarynan Volkswagen Golf avtokóliginde bolǵan 21 jastaǵy jolaýshy qyz órtte qaza boldy. Osy kóliktiń 29 jastaǵy júrgizýshisi men jolaýshysy túrli dene jaraqattarymen Shý qalasynyń ortalyq aýrýhanasyna jetkizildi. Atalǵan derekke qatysty QR Qylmystyq kodeksiniń 345-baby 3-bóligi boıynsha sotqa deıingi tergeý amaldary bastaldy. Sondaı-aq birqatar saraptama taǵaıyndaldy. Mercedes Benz avtokóliginiń júrgizýshisi ýaqytsha ustaý ızolıatoryna qamaldy», - delingen habarlamada.

Foto: polisia.kz