Şýchınsk qalasynda bıatlonnan qysqy Azııa chempıonaty ótedi

<p>ASTANA. KAZINFORM &ndash; 2024 jylǵy 10-20 naýryz aralyǵynda Şýchınsk qalasynda qysqy sport túrleri boıynsha olımpıadalyq daıarlaý ortalyǵynyń bazasynda bıatlonnan jasóspirimder men jetkinshekter arasyndaǵy Azııa chempıonaty ótedi.</p>

Qazaqstan bıatlonshylar Odaǵynyń baspasóz qyzmeti málim etkendeı, baıraqty básekede sary qurlyqtyń 7 elinen 100-den astam jas sportshylar 3 dıstsıplına boıynsha Azııa chempıony ataǵyna talasady. Olardyń qatarynda Qytaı Taıpeıi, Japonııa, Ońtústik Koreıa, Mońǵolııa, Qyrǵyzstan, Taıland jáne Qazaqstan memleketteri bar.

Chempıonat balalar men jasóspirimder bıatlonyn damytý baǵdarlamasy aıasynda jáne 2023 jyly naýryz aıynda qurylǵan Azııa bıatlon federatsııasynyń qoldaýymen uıymdastyrylady.

2025 jyly Qytaıda Qysqy Azııa oıyndary josparlanǵanyn eskersek, bul báseke jas sportshylar úshin halyqaralyq tájirıbe sheńberinde asa qajet. Jarystyń tikeleı translıatsııasyn ıýtýb jelisinde «COP ZVS TV» arnasy júrgizedi. Kórermender úshin kirý tegin.

Jarys baǵdarlamasy:

12 naýryz, seısenbi- Jeke jarys (youth men, youth women)

13 naýryz, sársenbi- Jeke jarys (junior men, junior women)

14 naýryz, beısenbi- Sprınt (youth men, youth women)

15 naýryz, juma- Sprınt (junior men, junior women)

16 naýryz, senbi- Іz kesý (youth men, youth women)

17 naýryz, jeksenbi- Іz kesý (junior men, junior women)