Şýchedegi stýdent ólimi: Sýıtsıdke ıtermeleý jáne aqsha bopsalaý boıynsha eki is qozǵaldy

<p>Memleket basshysynyń tapsyrmasymen QR ІІM ortalyq apparaty men Aqmola oblystyq polıtsııa departamenti qyzmetkerleriniń qatarynan arnaıy jedel-tergeý toby qurylyp, Şýche qalasynyń 19 jastaǵy turǵynynyń ólimin jan-jaqty tergeý úshin oqıǵa ornyna shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a> oblystyq polıtsııa departamentiniń baspasóz qyzmetine silteme jasap.</p>

- Qylmystyq kodekstiń 105-baby boıynsha (ózin-ózi óltirýge deıin jetkizý), sondaı-aq qaza tapqan adamnyń týystarynyń odan aqsha bopsalaǵan degen aryzymen QR QK 194-baby 2-bóligi boıynsha eki qylmystyq is qozǵaldy. Bolǵan oqıǵanyń búkil mán-jaıyn anyqtaýǵa baǵyttalǵan qajetti tergeý áreketteri júrip jatyr. Aldyn ala tergeý nátıjesi boıynsha quqyqtyq baǵa beriledi. Tergeý barysy Іshki ister mınıstrliginiń erekshe baqylaýynda, - dedi vedomstvodan.

PD baspasóz qyzmetinen atap ótkendeı, qylmystyq is júrgizý kodeksiniń 201-babyna sáıkes ózge aqparat jarııalanbaıdy.

Aıta ketsek, budan buryn Aqmola oblysynda temirjoldan stýdenttiń denesi tabylǵanyn habarlaǵan edik. 

Prezıdent Şýche qalasyndaǵy stýdenttiń ólimin baqylaýyna aldy.