Şýche qalasynda órtengen úıden 10 adam evakýatsııalandy

<p>Aqmola oblysynyń Şýche qalasynda kópqabatty turǵyn úıden órt shyǵyp, 10 adam evakýatsııalandy, onyń 4-eýi bala, dep habarlaıdy <a href="Kazinform." target="_blank" rel="noopener">Kazinform.</a></p>

Oblystyq TJD baspasóz qyzmetiniń málimetinshe, órt 8 qańtarda saǵat 18:41 bolǵan.

«Qyzyl jalyn 9 sharshy metr aýmaqty sharpydy. Órt 19:04-te oqshaýlanyp, 19:06-de tolyq sóndirildi. Ony sóndirýge Aqmola oblysy TJD jeke quramynan 12 adam jáne 3 birlik tehnıkasy tartyldy. Qutqarýshylar baspaldaq arqyly 10 adamdy, onyń ishinde 4 balany evakýatsııalady. Órttiń shyǵý sebebi anyqtalyp jatyr», - dedi vedomstvodan.

Aıta ketsek, Aqmola oblysynda órtengen úıden eki adamnyń máıiti tabylǵanyn jazǵan edik.