Shý turǵynynan 38 keliden astam esirtki tárkilendi

TARAZ. QazAqparat - Jambyl oblysynyń Polıtsııa departamenti Shý aýdanynyń turǵynynan 38 kılogramm esirtki zaty tárkilengenin málimdedi, dep habarlaıdy QazAqparat.

Bul sharany vedomstvonyń esirtki qylmysyna qarsy is-qımyl basqarmasy qyzmetkerleri men 5513 áskerı bóliminiń áskerı qyzmetshileri birlese júzege asyrǵan. Olar Shý-Merki tas jolynan 20 shaqyrym jerdegi qumǵa jaqyn mańnan Shý aýylynyń 50 jastaǵy turǵynyn ustap, odan jalpy salmaǵy 38 keliden asatyn Kannabıs ósimdigin tapqan.

«Ustalǵan azamat kinásin moıyndap, Shý qalasynyń ýaqytsha ustaý ızolıatoryna qamaqqa alyndy. Osy derekke qatysty Qylmystyq kodekstiń 296-baby 4-bóligi boıynsha sotqa deıingi tergeý amaldary bastaldy (esirtki quraldaryn asa iri mólsherde zańsyz saqtaý). Bul bap boıynsha 3 jyldan 7 jylǵa deıingi merzimge bas bostandyǵynan aıyrý túrindegi jaza qarastyrylady», - dep habarlady basqarma bastyǵy polıtsııa polkovnıgi Asqar Jumabekov.

Aıta keteıik, buǵan deıin óńirdegi Sarysý aýdanynda joǵalǵan naýqas áıel bes kúnnen keıin aýyr jaǵdaıda tabylǵanyn jazǵan bolatynbyz.