Shý-Otar aýmaǵynda 11 jolaýshylar jáne 12 júk poıyzy toqtap tur

<p>Jambyl oblysynda daýyl men qalyń qar turǵyndardy elektrmen jabdyqtaýǵa jáne kólik jumysyna kedergi keltirdi, dep habarlaıdy <a href="Kazinform" target="_blank" rel="noopener">Kazinform </a>agenttigi.</p>

Jambyl oblysy ákimdigi baspasóz qyzmetiniń habarlaýynsha, kúshti jel men qar aralas jańbyr saldarynan Shý aýdanynda elektr jelisi úzilip, tireýishter qulaǵan. Oblystyń 4 aýdanyndaǵy 32 eldimekende 8 882 abonent jylýsyz qaldy.

TJ sebebinen Shý-Otar aýmaǵynda árqaısysyna orta eseppen 500-700 adam mingen 11 jolaýshylar poıyzy toqtap tur. 12 júk poıyzy da saparyn jalǵastyra almaı qaldy. Jel ekpini sekýndyna 45 metrge jetedi.

“Qazgıdromet” RMQ jaqyn kúnderi qalyń qar jaýyp, jel 30 m/s deıin kúsheıedi dep boljap otyr.
Ákimdik jergilikti turǵyndardy qazirgi jaǵdaıǵa baılanysty resmı derekkózderiń aqparatyna ǵana senýge shaqyrdy.

Óńirde aýa raıyna baılanysty jergilikti TJ jarııalandy.

Buǵan deıin Jambyl oblysynda aýa raıy kúrt nasharlap, aq tútek boran soǵyp, joldyń durys kórinbeýine baılanysty «Shý-Qaınar» tas jolynyń 0-56 shaqyrymy, «Qordaı-Qaınar» tas jolynyń» 214-2358 shaqyrym bóligi avtokóliktiń barlyq túri úshin jabylǵany habarlanǵan.

Sondaı-aq aýa raıynyń qolaısyz jaǵdaıyna baılanysty 500-den astam júk kóligi tas joldardyń boıynda turǵanyn jazǵan bolatynbyz.

ІІM baspasóz qyzmetiniń málimetinshe, jambyldyq polıtseıler avtojoldardaǵy jaǵdaı durystalyp, qaýip seıilgenshe azamattarǵa jan-jaqty kómek kórsetip jatyr.