Shý qalasynyń turǵynynan tórt keli gashısh tárkilendi

ShÝ. QazAqparat – Jambyl oblysynda Shý qalasynyń turǵynynan tórt keli gashısh tárkilendi, dep habarlaıdy QazAqparat tilshisi.

«Qarasora-2021» Respýblıkalyq jedel aldyn alý is-sharasyn ótkizý barysynda Jambyl oblysy polıtsııa departamenti esirtki qylmysyna qarsy is-qımyl basqarmasynyń qyzmetkerleri Qaınar-Qordaı avtojolynda VAZ-2107 avtokóligin toqtatqan.

Kólikti tintý barysynda Tea esimdi qyzmettik ıttiń kómegimen Shý qalasynyń 25 jastaǵy jolaýshy-turǵynynan tórt keli gashısh tabyldy.

«Qazaqstan Respýblıkasy Qylmystyq Kodeksiniń 297-baby 3-bóligine sáıkes «Esirtki zattaryn ótkizý maqsatynda asa iri mólsherde zańsyz saqtaý» boıynsha sotqa deıingi tergeý bastaldy. Ustalǵan azamat kinásin moıyndady. Ol ýaqytsha ustaý ızolıatoryna qamaldy»,- dedi Jambyl oblystyq PD ÝPN bastyǵy Asqar Jumabekov.