Shý qalasynda 60 jastaǵy turǵynnyń saraıynan 5 qap marıhýana tabyldy

TARAZ. QazAqparat – Jambyl polıtseıleri Shý aýdanynyń turǵynynan 5 qap marıhýana tárkiledi, dep habarlaıdy QazAqparat tilshisi.

Esirtki qylmysyna qarsy is-qımyl basqarmasynyń qyzmetkerleri Jambyl oblysy polıtsııa departamentiniń krımınaldyq polıtsııa basqarmasymen birlesip, jedel izdestirý sharalaryn júrgizdi.

Operatsııa kezinde Shý aýdany Qonaev aýylynyń 60 jastaǵy turǵyny ustaldy.

Onyń úı-jaıyn tintý barysynda saraıdan jalpy salmaǵy 22 keli bolatyn «keptirilgen marıhýana» esirtki zaty salynǵan 5 qap tabylyp, tárkilengen.

Bul týraly oblystyq polıtsııa departamentiniń baspasóz qyzmeti habarlady.

«Ustalǵan azamat óz kinásin moıyndap, Shý aýdanynyń ýaqytsha ustaý ızolıatoryna qamaýǵa alyndy. QR QK 297-baby 3-bóligi boıynsha sotqa deıingi tergeý bastaldy» delingen habarlamada.