Shý aýdanynda balyq aýlap otyrǵan eki adam muz astyna túsip mert boldy

ShÝ. QazAqparat - Shý aýdanynda balyq aýlaý kezinde eki balyqshy muz astyna túsip ketti. Oqıǵa 3 aqpan kúndiz Shý qalasynan 40 km jerdegi Tasótkel sý qoımasynda bolǵan, dep habarlaıdy QazAqparat TJM baspasóz qyzmetine silteme jasap.

Balyqshylar jaǵalaýdan 50 metr jerde otyrǵan kezde muz jarylyp, adamdar sýdyń túbine ketti.

Qutqarýshylar bir adamnyń óli denesin tez arada alyp shyqty, al ekinshisin izdeýge týra keldi.

Búgin tańerteńgi saǵat 10-da qutqarýshylar sýǵa batyp ketken ekinshi adamnyń óli denesin taýyp alyp, sýdan alyp shyqty.

Muzdaǵy qaýipsizdik sharalaryn saqtamaý saldarynan osyndaı qaıǵyly oqıǵalar bolady.

Qazaqstannyń TJM azamattarǵa qarapaıym qaýipsizdik qaǵıdalaryn saqtaýǵa keńes beredi.

«Demalýǵa nemese balyq aýlaýǵa shyqqanda qarapaıym qaýipsizdik sharalaryn este saqtańyzdar. Qutqarý keýdeshelerin paıdalanyp, ózińizdi qorǵaý qajet. Qarly jerler men muzǵa qarańǵy ýaqytta barmańyz, óıtkeni muzdyń qalyńdyǵy belgisiz jáne bul qaıǵyly saldarǵa ákelýi múmkin» dep eskertedi qutqarýshylar.

Foto: TJM baspasóz qyzmeti