Shý aýdanynan Almatyǵa esirtki jetkizetin arnanyń joly kesildi

<p>ASTANA. KAZINFORM - Polıtsııa qyzmetkerleri keshendi jedel-tergeý is-sharalarynyń nátıjesinde Jambyl oblysy Shý aýdanynan Almatyǵa esirtki jetkizý arnasyn jolǵa qoıǵan turaqty qylmystyq topqa tosqaýyl qoıdy, &ndash; dep habarlaıdy <a href="https://t.me/POLICE_of_KZ" target="_blank" rel="noopener">Polisia.kz</a> saıtynyń tilshisi.</p>

Jedel-tergeý toptary arnaıy maqsattaǵy bólinis jaýyngerlerimen birlesip, quryqtaý operatsııasyn bir ýaqytta Almaty qalasy men Almaty oblysynda iske asyrdy. Uıymdastyrýshy jáne marıhýana men gashıshti zańsyz ótkizýge qatysy bar 11 adam anyqtaldy. Olardyń qatarynda satýshy men satyp alýshylar, tasymaldaýshylar, úı-jaılardy jalǵa alýshylar men ólshep oraýshylar bar.

– Tintý barysynda tsellofan paketterge salynǵan 40 kg marıhýana men 15 kg gashısh jáne kúdiktilerdiń qylmystyq bızneske qatysy bar ekenin rastaıtyn uıaly telefondar tabylyp, tárkilendi. Kúdiktiler ustalyp, ýaqytsha ustaý ızolıatoryna qamaldy Tıisti saraptamalar taǵaıyndalyp, tergeý amaldary jalǵasýda. Ózge aqparat tergeý múddesinde jarııalanýǵa jatpaıdy, – dedi departament bastyǵy – ІІM resmı ókili Shyńǵys Alekeshev.