Shtattan tys ormanshylardyń jalaqysy ósedi

<p>1 shildeden bastap orman sharýashylyǵy salsyndaǵy shtattyq qyzmetkerlerdiń jalaqysy "Azamattyq qyzmetshilerge, memlekettik bıýdjet qarajaty esebinen ustalatyn uıymdar qyzmetkerlerine, qazynalyq kásiporyndar qyzmetkerlerine eńbekaqy tóleý júıesi týraly" Úkimet qaýlysyna sáıkes kóterilgen, dep habarlaıdy QazAqparat.</p>

Ekologııa jáne tabıǵı resýrstar mınıstrliginiń málimetinshe, qosymsha ústemaqy shtattyq qyzmetkerlerge qarastyrylǵan. Sebebi múddeli memlekettik organdarmen kelisý barysynda qaýly erejelerine sáıkes shtattan tys qyzmetkerlerge ústemaqy taǵaıyndaý máselesi qoldaý tappady. Óıtkeni, olar sala mamandary emes.

"Sonymen qatar, mınıstrlikte júrgizilgen memlekettik satyp alý monıtorınginiń qorytyndysy boıynsha 853 mln.teńge kóleminde únemdelgen soma anyqtaldy.

Osyǵan baılanysty, Ekologııa jáne tabıǵı resýrstar mınıstri Erlan Nysanbaev atalǵan qarajatty 1 shildeden bastap jalaqysy kóterilgender sanatyna kirmegen qyzmetkerlerdiń eńbegine qosymsha aqy tóleý úshin paıdalanýdy tapsyrdy, ústemaqy 4 539 qyzmetkerge taǵaıyndalmaq", - dep jazdy vedomstvodan.

Aıta keteıik, atalǵan qarajat Mınıstrliktiń bekitilgen bıýdjeti aıasynda bastapqyda josparlanǵan nátıjelerdi ózgertpeı, ótkizilgen Memlekettik satyp alý qorytyndylaryn qaıta qarastyrý esebinen bólindi.

Foto: Gazeta.ru