Shrı-Lankada prezıdenttik saılaýǵa 39 úmitker tirkeldi

<p>NЬıÝ-DELI. KAZINFORM &ndash; Shrı-Lankanyń saılaý komıssııasy 21 qyrkúıekte ótetin prezıdenttik saılaýǵa qatysý úshin 39 úmitkerdi tirkedi. Bul týraly Shrı-Lanka saılaý komıssııasynyń basshysy Rmal Ratnaıake málimdedi, dep jazady&nbsp;<a href="https://tass.ru/mezhdunarodnaya-panorama/21611223" target="_blank" rel="noopener">TASS</a>.</p>

Onyń aıtýynsha, buryn prezıdenttik saılaýǵa qatysý úshin jarna tólegen 40 úmitkerdiń bireýi resmı tirkeýden ótpegen. Osylaısha, Shrı-Lanka azamattary bıýlletendegi 39 adamnan turatyn tizim arasynan óz tańdaýyn jasaıdy. Olardyń 23-i saıası partııalardan, 17-si táýelsiz kandıdattar.

Shrı-Lanka basshysy laýazymyna úmitkerler tiziminde eldiń qazirgi prezıdenti Ranıl Vıkramasınghe, oppozıtsııalyq «Birikken ulttyq kúsh» partııasynyń jetekshileri Sadjıt Premadasa jáne Ulttyq halyqtyq bılik alıansy Anýra Kýmar Dıssanaıaka, sondaı-aq eldiń eks-prezıdenti Gotabaıa Radjapaksanyń 38 jastaǵy jıeni – Namal Radjapaksa da bar.

Shrı-Lanka saılaý komıssııasy Vıkramasıngheniń ókilettiligi 17 qarashada aıaqtalýyna baılanysty prezıdenttik saılaýǵa daýys berýdi 21 qyrkúıekke belgiledi.

Shrı-Lanka prezıdenti bes jylǵa saılanady jáne eki merzimmen shekteledi. Eldegi sońǵy prezıdent saılaýy 2019 jyly ótti. Saılaýda Shrı-Lanka Gotabaıa Radjapaksa jeńip shyqty. Alaıda ol 2022 jyldyń shildesinde narazylyqtar saldarynan otstavkaǵa ketti. Qazirgi memleket basshysy onyń murageri retinde el tizginin qolǵa alǵan.