Shrı-Lanka sheteldikterdiń elge kelýine tyıym saldy
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
Eldiń azamattyq avıatsııa basqarmasynyń habarlaýynsha, mundaı shara kúrdeli epıdemıologııalyq jaǵdaıdy baqylaý úshin qolǵa alynyp otyr. «Jabyq aspan» rejımi 21-31 mamyr aralyǵynda jumys isteıdi.
Sıngapýr bıligi Facebook pen Twitter-den koronavırýstyń «sıngapýrlyq nusqasy» týraly habarlamalardy jalǵan aqparat dep belgileýdi talap etti. Áleýmettik jelilerdiń biri zańdy mindettemelerge sáıkes mundaı eskertýdi shyǵaratyndyǵyn málimdedi. Memlekettiń densaýlyq saqtaý mınıstrligi ınfektsııanyń «sıngapýrlyq» mýtatsııasynyń joq ekenin atap ótti. Sońǵy aptalarda COVID-19-dyń tek Úndistanda alǵash ret tabylǵan nusqasy anyqtalǵan.
Egıpet COVID-19 ınfektsııasynyń taralýyna jol bermeýge baǵyttalǵan shekteý sharalaryn mamyr aıynyń sońyna deıin uzartty. Dúkender, saýda ortalyqtary men meıramhanalar jergilikti ýaqyt boıynsha tek saǵat 21: 00-ge deıin jumys isteı alady. Al qoǵamdyq saıabaqtar men jaǵajaılarǵa kirýge ruqsat berilgen. Biraq shekteý rejıminiń birqatar talabyn saqtaý mindetti. Egıpet Arab Respýblıkasy koronavırýstyq ınfektsııanyń úshinshi tolqynymen kúresýde.
Islandııalyq Dadi og Gagnamagnid toby músheleriniń biri koronavırýs ınfektsııasyn juqtyrǵandyqtan, komanda Rotterdamdaǵy «Evrovıdenıe» án baıqaýynda óner kórsetpeıtin boldy. Top óz áriptesinsiz án aıtpaýdy jón sanady. Ujymnyń «10 jyl» áni konkýrsta qalady. Ol II jartylaı fınalda beıne formatta oryndalady.
«Úndi» vırýsynyń mýtatsııasy Kıprge enip ketti, dep habarlaıdy memlekettiń densaýlyq saqtaý mınıstrligi. KVI 4 adamda rastalǵan. Olar qazir qonaqúılerge karantınge jatqyzyldy. DDU málimetteri boıynsha B. 1.617 nusqasy 40-tan astam elde tabyldy. Kıpr bıligi COVID-19 taralýyn vaktsınatsııa arqyly toqtatpaq. Qazirgi ýaqytta eldegi eresek turǵyndardyń 45% kem degende bir ekpe jasaǵan.