«Shpor» daıyndasańyz da, ony paıdalanbaı-aq qoıyńyz - UBT-da 110 ball jınaǵan talapker
UBT-da 110 ball jınaǵan mektep bitirýshi testileý aldynda alańdamaǵanyn jáne áýel bastan aldyna «jaqsy nátıjelerge qol jetkizemin» degen maqsat qoıǵanyn atap ótti.
Onyń aıtýynsha, testileýde jaqsy kórsetkishke qol jetkizýiniń eshqandaı qupııasy joq. Ol úshin baıqaý synaqtaryna jıi qatysyp, test jınaqtary boıynsha tapsyrmalardy kóbirek oryndaý qajet. Osylaısha, kez kelgen aqparat jaqsy ıgerilip, este uzaq ýaqyt saqtalady.
«Men fızıka boıynsha esepterdi, matematıkalyq saýat boıynsha testi jıi oryndaıtynmyn. Eń bastysy - daıyndyqty tıisti deńgeıde júrgizseńiz, kóp kúttirmeı jaqsy nátıjege qol jetkizesiz. Testileý barysyndaǵy suraqtar baıqaý synaqtarynda kezdesken suraqtarǵa uqsas boldy, bul maǵan aıtarlyqtaı kómektesti. Meniń oıymsha, suraqtardyń qalaı qurastyrylatyny mańyzdy emes, eger belgili bir taqyryp boıynsha materıaldy muqııat oqysańyz, suraqtarǵa senimdi jaýap berýge bolady. Osy oraıda ustazdaryma alǵys aıtamyn, sebebi olarmen birlese atqarylǵan jumystyń nátıjesinde jaqsy upaı jınadym. Óte qýanyshtymyn» deıdi Irına.
Esterińizge sala keteıik, bıyl UBT ótkizý erejelerine ózgertýler engizilip, baqylaý kúsheıtildi. Ulttyq biryńǵaı testileýdi ótkizýdiń birinshi kúni 164 adam tyıym salynǵan zattardy alyp ótýge tyrysyp, Erejelerdi buzǵany úshin UBT tapsyrý múmkindiginen aıyryldy.
Bul rette Irına Spıvakova talapkerlerge táýekelge barmaýǵa keńes beredi.
«Barlyq qatysýshylar testileý kezinde smartfondar men shpargalkalardy paıdalanýǵa bolmaıtyndyǵy týraly aldyn ala eskertildi. Ókinishke qaraı, endi ereje buzǵan balalar bıyl joǵary oqý oryndaryna túse almaıdy. Meniń oıymsha, táýekelge barýdyń qajeti joq. Eger siz shpargalka daıyndasańyz da, olardy paıdalanbaı-aq qoıǵanyńyz abzal» , – deıdi Irına Spıvakova.
Aıta keteıik, 25 tamyzǵa deıin ár aýdıtorııadan alynǵan beıne jazbalardy mamandar muqııat zertteıdi. Eger beıne materıaldardy taldaý barysynda tyıym salynǵan zattardy paıdalaný nemese basqa da erejelerdi buzý faktileri anyqtalsa, testileý nátıjeleri joıylady.
«Bul jańalyqty biz úlken qýanyshpen qabyldadyq. Kalkýlıatordy paıdalaný múmkindigi berilip, biz óz ýaqytymyzdy aıtarlyqtaı únemdedik. Al, testileý ýaqytyn arttyrý nátıjesinde kúrdeli suraqtardy oılastyrýǵa qosymsha ýaqyt paıda boldy. Emtıhandy barynsha qaýipsiz tapsyrý úshin testilenýshiler úshin barlyq jaǵdaı jasalǵany qýantady. Testileýdi ótkizý pýnktine kirer kezde biz barlyq dezınfektsııalaý kezeńderinen óttik» deıdi abıtýrıent.
Irına Spıvakovanyń sózine sensek, mektep túlekteri elemeıtin daıyndyqtyń óte mańyzdy bóligi – testileý kúnindegi tańǵy as.
«UBT tapsyratyn kúni jaqsylap uıyqtap turǵanyńyz jón. Ýaıymdaýdyń qajeti joq, óıtkeni UBT-nyń barlyq suraqtary mektep baǵdarlamasy boıynsha qurastyrylǵan. Kóptegen suraqtarǵa ońaı jaýap berýge bolady, óıtkeni bizdiń mıymyzdyń belgili bir jaǵdaılarda umytylǵan aqparatty qaıta jańǵyrtý qasıeti bar. Aldymen men barlyq qarapaıym suraqtarǵa jaýap berip, sodan keıin sál qıyndaý tapsyrmalardy oryndaı bastadym. Árıne, aýdıtorııada sizdi alańdatatyn jáne kómek suraıtyn balalar bolady. Sondyqtan óz kúshińizge sený mańyzdy ekenin umytpańyz», – dep túıindedi óz oıyn Irına.
Aıta keteıik, Irına Spıvakova - Almaty oblysy Talǵar qalasyndaǵy ıÝ. Gagarın atyndaǵy №8 mamandandyrylǵan gımnazııanyń túlegi.