Shotlandııanyń birinshi mınıstri otstavkaǵa ketti
20:26, 15 Aqpan 2023
LONDON. QazAqparat - Shotlandııanyń birinshi mınıstri Nıkola Sterdjen otstavkaǵa ótinish berdi, dep habarlaıdy QazAqparat tilshisi.
2014 jyldyń qarashasynan beri Shotlandııanyń birinshi mınıstri qyzmetin atqarǵan jáne sonymen birge Shotlandııanyń ulttyq partııasynyń jetekshisi qyzmetinde bolǵan 52 jastaǵy Sterdjen sársenbi kúni Edınbýrgte ótken baspasóz máslıhatynda otstavkaǵa ketetinin málimdedi.
Ol jańa basshy saılanǵanǵa deıin qazirgi qyzmetin atqara turady.
Sońǵy ýaqytta Nıkola Sterdjen birqatar saıası sátsizdikterdi bastan ótkerdi.
Sonyń ishinde Ulybrıtanııa joǵarǵy sotynyń Shotlandııanyń táýelsizdigi týraly jańa referendým ótkizý josparyn qabyldamaýy jáne partııa músheleriniń Londonǵa osyǵan qatysty pozıtsııasy úshin aıtylǵan syn bar.
Foto: PA MEDIA