Shotlandııada alǵash ret júrgizýshisi joq avtobýstar jolǵa shyqty

ASTANA. QazAqparat - Edınbýrgte Stagecoach kompanııasynyń alǵashqy avtonomdy avtobýstary qoldanysqa berildi. Júrgizýshisiz basqarylatyn avtobýs jolaýshylardy Shotlandııa astanasy men Fırt-of-Fort shyǵanaǵynyń ar jaǵynda ornalasqan Faıf okrýgi arasynda tasymaldaıtyn bolady, dep habarlaıdy QazAqparat VVS-ge silteme jasap.

Kólik resmı túrde pılotsyz dep atalǵanymen, is júzinde eki adamnan turatyn ekıpaj múshesi bar: bireýi «shtýrman» qyzmetin atqarady - avtomatıkada aqaý bolǵan jaǵdaıda jol men qurylǵylardy baqylaıdy, ekinshisi «kapıtan», ol kóbine bılet tekseredi jáne jolaýshylardy otyrǵyzýǵa kómektesedi.

Kompanııa bir palýbaly avtobýstar aptasyna 10 myń adamǵa deıin tasymaldaı alatynyn aıtady.

Avtobýstar borttyq kompıýterde belgilengen marshrýt boıynsha qatań túrde uzyndyǵy 21 kılometr jáne 75 km/saǵ aspaıtyn jyldamdyqpen júredi.

AB1 dep belgilengen baǵyt - el úkimeti sýbsıdııalaıtyn alǵashqy resmı tirkelgen júrgizýshisiz baǵyt boldy.

Stagecoach kompanııasynan basqa, avtobýsty quraýǵa taǵy birneshe fırma men uıym qatysty, sonyń ishinde Enviro200AV mashınalary jolda kúrdeli manevrlerdi oryndaı alady, mysaly, aınalmaly qozǵalysty basqarý, baǵdarsham sıgnaldaryn ajyratý jáne jolaqtardy ózgertý sekildi.