Shotyńyz ben múlkińizdiń buǵattalmaǵanyn qalaı tekserýge bolady

<p>ASTANA. KAZINFORM &ndash; Ádilet mınıstrliginiń resmı ókili Talǵat Ýálı vedomstvonyń baspasóz máslıhatynda alaıaqtar arasnyda shot pen múlikti buǵattaý týraly jalǵan aqparatpen qorqytý tásili jıilep ketkenin málim etti.</p>

«Jalǵan qyzmetkerler ózderin sot oryndaýshysy retinde tanystyryp, azamattardan qaryzdaryn óteýdi talap etýde. Talap oryndalmaǵan jaǵdaıda olar jeke shottardy, múlikti buǵattaıtynyn aıtyp qorqytýda. Sizge osyndaı qońyraý nemese habarlama túsken jaǵdaıda Ádilet mınıstrliginiń, Respýblıkalyq jáne óńirlik jeke sot oryndaýshylar palatasynyń resmı saıttaryndaǵy aqparatty óz betińizshe tekserip, qajet bolǵan jaǵdaıda bankke habarlasýdy usynamyz», - dedi resmı ókil.

Kez kelgen azamat óziniń shoty men múlki buǵattalmaǵanyna ınternet arqyly kóz jetkize alady. Ol úshin úshin ınternet-braýzerdiń izdeý júıesinde «Atqarýshylyq is júrgizýdiń avtomattandyrylǵan aqparattyq júıesi» dep jazý kerek. Sodan keıin «Boryshkerler men tyıym salýlar tizilimi» bólimin tańdap, tek JSN-ny engizý kerek.

«Eger siz boryshker bolsańyz, onda sizdiń qaryzyńyz týraly aqparat, sot oryndaýshysynyń aty-jóni jáne onyń telefon nómiri kórsetiledi.Eger siz boryshker bolmasańyz, qyzǵylt sary túspen «Suraýyńyz boıynsha eshteńe tabylmady» habary paıda bolady. Bul sizdiń shottaryńyz ben múlikterińizdi eshkim buǵattalmaǵan jáne buǵattaı almaıdy degendi bildiredi. Tek resmı derekkózderge senińiz, jeke derekterińizdi belgisiz tulǵalarǵa bermeńiz», - dedi Talǵat Ýálı.

Qosymsha aqparatty vedomstvonyń myna telefondaryna habarlasyp alýǵa bolady: 119 nemese 8 7172 58-00-58.