Shoshqaǵa «úılengen» qytaı jigitin polıtsııa jazalady

<p>ASTANA. KAZINFORM — Qytaıdyń Henan provıntsııasynda jas jigit shoshqamen saltanatty toı jasady. Onyń úılený toıyn vıdeoǵa túsirip, ǵalamtorǵa jarııalaǵany úlken daý týdyrdy.</p>

The Paper  basylymynyń habarlaýynsha, oqıǵa qyrkúıek aıynyń basynda bolǵan.

Qytaıdyń áleýmettik jelilerinde kóp adamdar jas jigittiń áreketin «áleýmettik tártipke nuqsan keltiredi» dep synap, ashýly pikirler qaldyrdy.

Keıbir qytaılyq jeli qoldanýshylary beınerolık jasaýshylardy jurttyń nazaryn ózine aýdarý úshin adamgershilik qundylyqtaryn aıaqasty etti dep synǵa aldy.

9 qyrkúıekte oqıǵa bolǵan jerdiń polıtsııasy jýrnalısterge toıǵa qatysqan taraptar jazalanǵanyn habarlady.

— Mundaı áreket kópshilikti shýyldatyp, halyqtyń nazaryn aýdaryp, aqyrynda ınternet arqyly qandaı da bir paıda tabýdy kózdeıdi. Buǵan qatysy barlarǵa jaza qoldanyp qoıǵanbyz, — dedi Qytaı polıtsııa qyzmeti.