Shortandyda eldiń birligin nyǵaıtyp, dástúrin nasıhattaǵan mádenı is-shara ótti

ASTANA. QazAqparat - 1 mamyr Qazaqstan halqynń birligi kúni qarsańynda Aqmola oblysyna qarasty Shortandy aýdanynyń Jolymbet kentinde «Ata dástúr asyl qazynam» atty baı mazmundy halyqtyq mádenı shara ótti, dep habarlaıdy QazAqparat tilshisi.

Aýyl turǵyndarynyń rýhanı dúnıesin baıytyp, halyq sportyn jandandyrý maqsatynda ótkizilgen bul is-sharada arqan tartý, qol kúres, jilik syndyrý, at báıgesi, balýandar kúres, qyz qýý, jaıaý jarys (júgirý) syndy sport túrlerinen jarystar uıymdastyryldy. Aýyl ónerpazdary shaǵyn kontsert qoıyp, is-sharaǵa jınalǵan kóptiń kóńilin kóterdi.

- Biz bul sharany Oraza aıt merekesi kúni ótkizýdi josparlaǵan edik. Alaıda aýa raıynyń qolaısyzdyǵyna baılanysty búgin, ıaǵnı birlik kúni qarsańynda ótkizip jatyrmyz. Ás-sharany ótkizýge aýylymyzdyń belsendi azamattary uıtqy boldy. Aýyl turǵyndary da aıryqsha yqylas tanytyp, ortaq iske aıanbaı atsalysty. Biz bul is-sharany aýlymyzdyń buqaralyq sportyn jandandyryp, at sporty oıyndaryn damytýǵa kúsh salý maqsatynda uıymdastyrdyq. Mundaı ıgilikter aldaǵy ýaqytta da jalǵasyn tapsa deımiz. Aýdan, oblys jaǵynan kentterde osyndaı jumystar uıymdastyryp, ótkizip tursa, nur ústine nur bolar edi,- dedi osy is-sharany uıymdastyrǵan belsendi azamattardyń biri Berdenbek Toqaı.