Shortandy kenti mańyndaǵy estakadanyń aqaýy jóndeldi

ShORTANDY. QazAqparat – Shortandy kenti mańyndaǵy estakada kólik qozǵalys ashyldy, dep habarlaıdy QazAqparat IIDM baspasóz qyzmetine silteme jasap.

«Búginge deıin eksplýatatsııa jasaýshy kompanııa estakadany qalypqa keltirý úshin barlyq qajetti jóndeý jumystaryn aıaqtaǵan. Jolshylar topsaly-ankerli bekitkishterdi ornatyp, deformatsııalyq jikterdi jóndeýden ótkizdi.

Aıta keteıik, bıyl 14 qazanda «Nur-Sultan-Shortandy» aqyly ýchaskesiniń 75 shaqyrymdaǵy kólik jol aıyryǵynda (Shortandy kenti) kóliktiń barlyq túrine qozǵalys ýaqytsha shektelgen bolatyn.
«Kópirdegi aralyq salmaqtyń teńgerimsizdigi nátıjesinde deformatsııalyq jik tireýishterden ajyrap qalǵan. Budan aralyq qurylymnyń konsol bóligi joǵaryǵa kóterilip, aqaý paıda bolǵan», delingen habarlamada.

Aıta ketý kerek, atalǵan ótpejol 12 jyl buryn paıdalanýǵa berilgen. Onyń uzyndyǵy 70 metr.

Vedomstvonyń málimetinshe, qazir «Nur-Sultan-Shortandy» aqyly ýchaskesiniń 75-shaqyrymyndaǵy kólik jol aıyryǵy (Shortandy aýyly) boıynsha kólik úshin qaýipsiz.

Eske sala ketsek, «Nur-Sultan – Şýche» aqyly avtomobıl jolynyń 75-shaqyrymy Shortandy kentine jaqyn tuste kólik ótpesiniń plıtasy ajyrap ketken edi. Aqaýǵa qatysty «QazAvtoJol» kompanııasy túsinik bergen bolatyn.