Short-trekten Qazaqstan quramasy álemdik týrda úzdik úshtikke ilikti

<p>ASTANA. KAZINFORM &ndash; Qytaı astanasy Beıjińde short-trekten ótip jatqan World Tour kezeńinde Qazaqstan áıelder quramasy qola júldege ıe boldy.</p>

Qazaqstandyq qyzdar 3 myń metrlik estafetalyq jarysta úzdik úshtikke ilikti.

Fınalda bes komanda óner kórsetkenimen, aldymen Polsha quramasy jarystan shettetildi. 

Qazaqstandyqtar máre syzyǵyn tórtinshi bolyp qıǵanymen, qytaılyqtar da penaltı alyp qaldy. Sóıtip qazaqstandyq tórttikke qola buıyrdy.

Estafetada Málıka Ermek, Alına Ájiǵalıeva, ıAna Han jáne Olga Tıhonova el namysyn qorǵady.

Kanada jeńimpaz atansa, Ońtústik Koreıa komandasy kúmis júlde aldy.

Osylaısha, Qazaqstan quramasy bıylǵy álemdik týrda (burynǵy álem kýbogy) alǵashqy medaline qol jetkizdi.

Erlerden Denıs Nıkısha 1 500 metrlik qashyqtyqta A fınalynda baq synap, altynshy orynǵa taban tiredi.

Eske sala keteıik, budan buryn short-trek sheberleri jańa jetistikterge jete ala ma, sony jazǵan bolatynbyz.