Short-trekten Álem kýbogy: taǵy bir sportshymyz úzdik úshtikte

ASTANA. QazAqparat - Abzal Ajǵalıev Seýlde ótip jatqan short-trekten Álem kýbogynyń tórtinshi kezeńinde úshinshi oryn aldy,  dep habarlaıdy QazAqparat.

«Ol «V» fınalynda 500 metrdi 41:335 ýaqytta eńserdi, ekinshi orynda koreıalyq Lım Hı Djýn (41:219), koreıalyq taǵy bir sportshy Kvak ıÝn Gı (41:140) birinshi oryn aldy», - dep atap ótilgen QR MSM Sport jáne dene shynyqtyrý isteri komıtetiniń baspasóz qyzmetiniń málimetinde.

Budan buryn habarlanǵandaı, qazaqstandyq short-trekshi Anastasııa Krestova Álem kýbogynyń tórtinshi kezeńinde qola medal enshiledi.  

Aıta keteıik, short trekten Álem kýbogynyń IV kezeńi 19 qarashaǵa deıin jalǵasady. Lıtsenzııalyq jarystardan keıin, sportshylardyń Olımpıada oıyndaryna lıtsenzııa utyp alýǵa múmkindikteri bar. Reıtıng Álem kýbogynyń tórt kezeńi boıynsha jasalady.  Olımpıada oıyndaryna lıtsenzııa alý úshin sportshy top-36 (1500 metr erler men áıelder),  top-32 (500 jáne 1000 metr) reıtingine enýi kerek. Estafetaǵa 8 komanda qatysa alady.