Nıderlandtyń Leevarden qalasynda ótip jatqan short-trekten jasóspirimder arasyndaǵy álem kýboginiń ekinshi kezeńinde Qazaqstan qyzdar komandasy qola júlde ıelendi, dep habarlaıdy Kazinform.
Jarys barysynda áıelder estafetasynda olar 3000 metr qashyqtyqta baq synady. Nátıjesinde máre syzyǵyn úshinshi bolyp qıdy.
El quramasy sapynda Alına Ájǵalıeva, Zeınep Qumarhan, Anastasııa Astrahantseva, Gúldana Jalmuqan, Polına Omelchýk saıysqa tústi.
Alǵashqy eki oryndy Ońtústik Koreıa jáne Nıderland quramalary kóterildi.
Sondaı-aq, short-trekten jasóspirimder arasyndaǵy álem Kýbogy kezeńinde qazaqstandyq Dinmuhammedaldııar Tájibaı úshinshi oryn aldy. Ol 1000 metr qashyqtyqta úshinshi keldi.
Eske salsaq, budan buryn qazaqstandyq jas konkıshiler álem kýbogi kezeńin qos altynmen aıaqtady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.