Sholpan-Atada EAEO elderiniń Úkimet basshylary ortaq gaz naryǵyn qurý máselesin talqylady

NUR-SULTAN. QazAqparat - Álıhan Smaıylov Eýrazııalyq úkimetaralyq keńestiń otyrysyna qatysý úshin Qyrǵyz Respýblıkasyna jumys saparymen keldi, dep habarlaıdy QazAqparat Úkimettiń baspasóz qyzmetine silteme jasap.

Sonymen qatar sharaǵa Armenııanyń Úkimet basshysy Nıkol Pashınıan, Belarýs Premer-Mınıstri Roman Golovchenko, Qyrǵyz Respýblıkasy Mınıstrler kabınetiniń tóraǵasy Aqylbek Japarov, Reseıdiń Úkimet basshysy Mıhaıl Mıshýstın qatysyp jatyr.

Shaǵyn quramda otyrysqa qatysýshylar EAEO ortaq gaz naryǵyn qalyptastyrý, ónerkásip kooperatsııasy, alkogol naryǵyn retteý jáne elektrondyq saýda kezinde salyq salý máselelerin talqylady.

Odan bólek, Eýrazııalyq qaıta saqtandyrý kompanııasyn qurý týraly kelisim jobasy, kólik salasyndaǵy basymdyqqa ıe ınfraqurylymdyq jobalar tizbesi, EAEO-nyń ishki naryǵyndaǵy kedergilerdi joıý jónindegi jumys barysy, sondaı-aq ózara saýda kezinde ulttyq valıýtalardy paıdalanýdy keńeıtý jónindegi sharalar qaraldy.

Sonymen qatar QR Premer-Mınıstri delegatsııa basshylarymen birge Qyrǵyz Respýblıkasynyń Prezıdenti Sadyr Japarovpen kezdesýge qatysty.

Foto: primeminister.kz