Shókeev syrttan 100 myń sıyr men 415 myń usaq mal satyp almaq

ASTANA. QazAqparat - Bıyl Qazaqstan 30 myń tonna sıyr etin eksportqa shyǵarýdy josparlap otyr. Bul týraly búgin Úkimettiń selektorlyq rejimdegi otyrysynda QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev aıtty, dep habarlaıdy QazAqparat tilshisi.

"Memleket basshysy 2019 jylǵy 30 qańtarda ótken keńeıtilgen otyrysta sala aldyna birqatar mindetter qoıdy. Et eksportyn arttyrý boıynsha, ózderińiz bilesizder, ótken jyly 19 myń tonna sıyr eti eksporttaldy. Bıylǵy jylǵy meje 30 myń tonna sıyr etin eksporttaý josparlanyp otyr", - dedi mınıstr.

Onyń aıtýynsha, berilgen tapsyrmany oryndaý úshin etti mal sharýashylyǵyn damytý baǵdarlamasyn iske asyrý jalǵasatyn bolady. Іri qara maldy tuqymdyq túrlendirý júrgiziledi.

"Bıyl 1,2 mln bas iri qara mal tuqymdyq túrlendirýge qatysýy tıis. Bordaqylaý alańdaryna 353,6 myń bas buqashyq jetkizý kerek jáne 100 myń bas iri qara mal, 415 myń bas usaq mal satyp alý kerek. Ol úshin qajetti kredıttik resýrstar qarastyrylǵan", - dedi Ó.Shókeev.