Shildeniń sońy men tamyzdyń basynda 41 gradýs ystyq kele jatyr

<p>ASTANA. KAZINFORM — Qazgıdromet sınoptıkteri 30 shilde — 1 tamyz aralyǵyna arnalǵan úsh kúndik aýa raıy boljamyn jarııalady. </p>

Batys antıtsıklonnyń áserine qaramastan soltústik, shyǵys, ońtústik-shyǵys aımaqtarda ótkinshi jańbyr jaýyp, naızaǵaı jarqyldaıdy, jel kúsheıedi.

Elimizdiń qıyr soltústiginde jáne ońtústik-shyǵystyń taýlarynda qatty jańbyr jáne burshaq jaýady, daýyl turady.

Al Saryarqa dalasynda jáne elimizdiń ońtústigindegi shóldi aýdandarda jaýyn-shashynsyz aýa raıy saqtalady.

Elimizdiń batysynda, ortalyǵynda, ońtústiginde jáne ońtústik-shyǵysynda kúndizgi ýaqytta qatty ystyq bolady.

1 tamyzda eldiń ońtústik-shyǵysynda jekelegen aýdandarda +41°deıin óte qatty aptap bolady dep boljanyp otyr.