ShQTÝ oqytýshylary Lý Ban sheberhanasy jobasy aıasynda oqý úshin Qytaıǵa bardy
Taǵylymdama Tıantszın kásibı ınstıtýtynyń (TVI) bazasynda eki apta boıy ótedi. Bıyl ShQTÝ delegatsııasynyń quramy 30%-ǵa jańardy jáne ýnıversıtettiń magıstranttary men doktoranttaryn qamtydy.
Sapardyń birinshi kúni ashylý saltanatynan bastaldy, onda TVI Prezıdenti Wu Zongbao, ShQTÝ akademııalyq máseleler jónindegi prorektory Mashekenova Asııa Hasenqyzy, Halyqaralyq ınjenerııa mektebiniń professory Muzdybaev Murat Seıituly, sonymen qatar, TVI avtomobıl ınjenerııasy ınstıtýtynyń ókilderi sóz sóıledi.
Taǵylymdama baǵdarlamasy aqparatqa toly jáne avtomobıl kóligi men zııatkerlik kólik júıeleri salasynda zamanaýı Qytaı jabdyqtaryn qoldaný boıynsha praktıkalyq daǵdylardy ıgerýge baǵyttalǵan.
ShQTÝ delegatsııasy ıntellektýaldy jelilik avtomobılderdiń jumysymen, LIDAR jumys prıntsıpimen jáne 360 gradýsqa aınalmaly kameralarmen tanysty, sondaı-aq oqytýshylar Python baǵdarlamalaý tilinde praktıkalyq jumystardy oryndaýǵa kiristi.
Sonymen qatar, taǵylymdama sheńberinde kólik salasyndaǵy ınnovatsııalyq tehnologııalar boıynsha dárister men master-klasstar ótkizetin TVI jetekshi sarapshylarymen jáne ǵalymdarymen kezdesýler josparlanǵan. ShQTÝ oqytýshylary zamanaýı zerthanalar men zertteý ortalyqtaryna barýdy kózdep otyr, bul olarǵa ozyq tájirıbeni qabyldaýǵa jáne ony óz ýnıversıtetiniń oqý protsesine engizýge múmkindik beredi.
Bunyń barlyǵy «Kólik mashına jasaýdaǵy Smart-tehnologııalar jáne jasandy ıntellekt» jańa ınnovatsııalyq bilim berý baǵdarlamasyn iske asyrý úshin qajet. Bul bilim berý baǵdarlamasy kólik salasy úshin kólik quraldarynyń qaýipsizdigi men avtopılottaý júıelerine biriktirilgen. Sondaı-aq, «Internet of Vehicle» smart-tehnologııalary kómegimen kólik júıesiniń tıimdiligin arttyrý fýnktsııalaryn oryndaıtyn ǵylymdy qajetsinetin zııatkerlik júıelerdiń jumysqa qabilettiligin qamtamasyz etetin IT-mamandar pánaralyq daıarlaýdan ótedi.
Bul bilim berý baǵdarlamasyna alǵashqy qabyldaý 2024 jyldyń qyrkúıegine josparlanǵan. Oqytý smart-tehnologııalar jáne zııatkerlik júıeler (SMART, ADAS, RADAR, LiDAR tehnologııalary) boıynsha biregeı jabdyqtarmen jaraqtandyrylǵan «Lý Ban sheberhanasynyń» oqý bazasynda iske asyrylatyn bolady. Sondaı-aq, ShQTÝ-da jańa SMART Driving Technology ortalyǵyn qurý josparlanǵan. Ol qosymsha «Internet of Vehicle» smart tehnologııalaryn júrgizýdiń, spýtnıktik navıgatsııanyń jáne úshinshi deńgeıdegi avtopılottaýdyń zııatkerlik qaýipsizdik júıelerin iske asyratyn jańa tehnologııalar men elektromobıldermen jabdyqtalady.
Bul sapar «Lý Ban sheberhanasy» jobasynyń mańyzdy bóligi bolyp tabylady jáne ShQTÝ oqytýshylarynyń biliktiligin arttyrýǵa baǵyttalǵan. Bolashaqta Qazaqstannyń avtomobıl salasy úshin avtomobıl kóligi jáne zııatkerlik kólik júıeleri salasynda joǵary dárejeli mamandar daıarlaýǵa múmkindik beretini sózsiz.