Shkolnık ulynyń Orsk Munaı óńdeý zaýytyn satqandyǵy týraly aqparatty joqqa shyǵardy

ASTANA. QazAqparat -Energetıka mınıstri Vladımır Shkolnık óz ulynyń Orsk Munaı óńdeý zaýytyn satqandyǵy týraly aqparatty joqqa shyǵardy.

«Meniń ulym eshteńe satpaıdy, eshteńe satyp ta almaıdy. Buqaralyq aqparat quraldaryndaǵy onyń birdeńe satyp alǵandyǵy-satqandyǵy týraly aqparat shyndyqqa janaspaıdy, sońǵy úsh jylda ol eshtee satqan da, satyp alǵan da emes. Osyny jazǵan adamnan surańyzdar, menen emes, men bunymen aınalyspaımyn, shyndyǵynda buny bilmeımin de, tek biletinim ol eshteńe satyp ta alǵan joq, satqan da emes », - dedi mınıstr V. Shkolnık Májilistegi Úkimet saǵatynan keıin jýrnalıster saýalyna jaýap berý barysynda.

Eske salsaq, buǵan deıin reseılik aqparat quraldary «Qazaqstan Energetıka mınıstriniń uly I. Sholnık «Rýssneftke» Orsk Munaı óńdeý zaýytyn satty» dep jazǵan bolatyn.