ShQO júrgizýshilerine «Sergek» arqyly 3,5 mlrd teńge aıyppul salyndy

ÓSKEMEN. QazAqparat – Shyǵys Qazaqstan oblysynda bir jylda kólik júrgizýshilerine «Sergek» kameralary arqyly 3,5 mlrd teńge aıyppul salyndy, dep habarlaıdy QazAqparat tilshisi.

Bul jaıly halyq aldynda esep bergen ShQO polıtsııa departamentiniń bastyǵy Serik Júnisbekov málimdedi.

«Quqyq buzýshylyqtarǵa «nóldik tózimdilik» qaǵıdatyn qamtamasyz etý boıynsha belsendi jumys júrgizilýde. Ótken jyly oblys boıynsha 470 733 adam ákimshilik jaýapkershilikke tartylǵan. Onyń ishinde «Sergek» apparattyq baǵdarlamalyq kesheniniń kómegimen 137 158 quqyq buzýshylyq anyqtaldy. Júrgizýshilerge jalpy somasy 3 mlrd 500 mln teńgeden astam aıyppul salyndy», - dedi ol.

Bir jyl ishinde tártip saqshylary 2 000-ǵa jýyq mas júrgizýshini ustady.

Al 1 442 adam joldyń qarsy baǵytyna shyqqany úshin jaýapqa tartylǵan.