ShQO joldary qashannan bastap aqyly bolady

ÓSKEMEN. QazAqparat - QHR shekarasynan RF shekarasyna deıin Qazaqstannyń shyǵysy arqyly ótetin M-38 jolynyń barlyǵy derlik bıyl aqyly bolady. Bul jaıynda «QazAvtoJol» ulttyq kompanııasynyń ókilderi ShQO-daǵy qoǵamdyq tyńdaý barysynda málim etti, dep habarlaıdy QazAqparat.

Uzyndyǵy 464 shaqyrym bolatyn M-38 tas jolynyń Pavlodar – Semeı – Qalbataý ýchaskesi bıyl aqyly bolady.

Pavlodar oblysynda - 3, Shyǵys Qazaqstan oblysynda - 8 baqylaý arkasy ornatylyp, test rejıminde iske qosyldy.

ShQO-daǵy aqyly ýchaske Semeı men Shar qalalary, sondaı-aq Aqqýly, Besqaraǵaı jáne Jarma aýdandary arqyly ótetin jolda bolady.

Buǵan deıin «QazAvtoJol» Pavlodar – Omby joly da aqyly bolatynyn habarlaǵan edi.

Aqy alýdyń ashyq júıesi M-38 avtojolynyń barlyq ýchaskesine engiziledi.

Qytaı Halyq Respýblıkasy shekarasynan Qalbataý aýylyna deıingi jol tegin bolyp qala beredi.

Pavlodar – Semeı – Qalbataý ýchaskesi ІІ tehnıkalyq sanattaǵy jolǵa jatady. ıAǵnı, júk kólikteri úshin ǵana aqyly bolady.

Jalpy, ShQO halqy aımaq joldaryna aqyly júıeni engizýdi qoldady.

Biraq, turǵyndar qyzmetter men azyq-túlik baǵasynyń ósýine jol bermeý úshin jergilikti júk kólikterine, fermerler men kommýnaldyq qyzmet tehnıkasyna jeńildik qarastyrýdy surady.

Sondaı-aq, ShQO turǵyndary Pavlodar – Semeı – Qalbataý jolyn 4 qozǵalys jolaǵyna deıin keńeıtýdi, bólý jolaqtary men mal óte almaıtyn qorshaý ornatýdy talap etti.