ShQO zeınetkerleri men ardagerleri shıpajaıda tegin em alady

ASTANA. QazAqparat - Shemonaıha aýdanyndaǵy «Ýba» shıpajaıy kendi Altaıdyń qarttaryn qamqorlyqqa aldy. Munda qarııalar densaýlyqtaryn qalpyna keltiredi. Oblys ákimi Danıal Ahmetov mekemege at basyn buryp, qyzmettiń sapasymen tanysty, dep habarlaıdy óńirlik ákimdiktiń baspasóz qyzmeti.

Shıpajaı bir mezette 200 adamdy qabyldaýǵa qaýqarly. Keshendi em-domdy UOS ardagerleri, tyl eńbekkerleri men Chernobyl AES apat saldaryn joıýshylar, zeınetkerler men kópbalaly analar alady. Ardagerlermen kezdesken oblys ákimi olarǵa belsendi ómirlik ustanymdary úshin alǵysyn bildirdi.

«Qazaqstannyń, bizdiń óńirdiń damýy úshin etken eńbekterińiz eren, biz ony joǵary baǵalaımyz. Shyn júrekten ardagerlerimiz ben zeınetkerlerimiz emdeý-aldyn alý, saýyqtyrýǵa baǵyttalǵan tamasha oryndarda densaýlyqtaryn jaqsartyp, demalǵandaryn qalaımyn. Osyndaı iske ózge de mekemelerdi tarta otyryp, qoldaǵy múmkindikti qoldana, qyzmet kórsetýshiler qataryn arttyratyn bolamyz», -  dedi aımaq basshysy Danıal Ahmetov.

Jyl saıyn shıpajaıda 6 myńǵa jýyq zeınetker densaýlyqtaryn saýyqtyrady. Demalýshylar úshin barlyq jaǵdaı jasalǵan. Keshendi emdeý sanatyna balshyqpen, sýmen emdeý, massajdyń ár túri, fızıologııalyq, tamaq býlaý sııaqty em túrleri kiredi.