ShQO volonterleri «Ardagerlerdi ardaqtaıyq» aktsııasyn qolǵa aldy
ShQO jastar resýrstyq ortalyǵynyń volonterleri Uly Otan soǵysynyń ardagerleri men tyl eńbekkerlerine azyq-túlik paketin taratty. Aktsııa «Emıl» JShS men oblystyq Ardagerler keńesiniń qoldaýymen uıymdastyrylǵan.
«Qajetti azyq-túlikpen 8 ardager men tyl eńbekkeri qamtamasyz etildi.Olarǵa merekelik kóńil-kúı syılaǵymyz keledi. Surapyl soǵysqa qatysqan qarııalarymyzǵa alǵysymyzdy jetkizdik, - deıdi Shyǵys Qazaqstan oblystyq Volonterler front keńsesiniń jetekshisi Jansaıa Serjan.
Aıta keteıik, volonterler soǵys ardagerlerine qoldan kelgenshe kómek kórsetýde. Olar osy kúnge deıin óńirde turatyn maıdangerlerdiń úı sharýasyna qolǵabys etip keledi.
Aldaǵy ýaqytta osy baǵyttaǵy jumystar jalǵasyn tappaq. Ásirese, qazirgideı tótenshe jaǵdaı kezinde volonterlerdiń jumysy kúsheıe túsedi.