ShQO ýnıversıteti 1,9 mln teńgege eden súrtkish qural satyp almaq bolǵan
Sybaılas jemqorlyqqa qarsy is-qımyl agenttigi ShQO boıynsha departamentiniń málimetine súıensek, taldaý jumystary barysynda «Semeı medıtsına ýnıversıteti» KEAQ Óskemen fılıalynyń turmystyq zattardy joǵary baǵamen satyp almaq bolǵany anyqtaldy.
«Bilim berý mekemesi 1,9 mıllıon teńgege eden súrtkish quraldyń bir danasyn jáne 1,2 mıllıon teńgege 1 matras satyp almaq bolǵan. Alaıda eden súrtkish quraldyń naryqtaǵy ortasha baǵasy – 25 myń teńge, bir matrastyń baǵasy 30-dan 130 myń teńgeni quraıdy. Antıkordyń usynymynan keıin memlekettik satyp alý josparlaryna túzetýler engizilip, shamamen 3 mln teńge únemdeldi. Bul qarajat ózge taýarlardy satyp alýǵa baǵyttalatyn bolady», - delingen aqparatta.
Jalpy jyl basynan departamenttiń memlekettik organdar men kvazımemlekettik sektor mekemelerine jasaǵan usynymdary boıynsha 205 mln teńge únemdeldi. Al 2022 jyly 425 mln teńgege únem jasalǵan.