ShQO túrmesindegi uryp-soǵýǵa qatysty vıdeoǵa túsinik berildi
«Áleýmettik jelilerde sottalǵan adamdy uryp-soǵýǵa qatysty vıdeo taraǵan bolatyn. ShQO boıynsha Qylmystyq-atqarý júıesiniń (QAJD) №16 mekemesinde jazasyn ótep jatqan A. esimdi sottalǵan ákimshilik qyzmetkerleriniń zańsyz áreketteri týraly aıtqan.
Bul ótinish KAJD-da tirkeldi. Alaıda oqıǵa ornyna barǵan jedel-tergeý toby sottalǵandy tekserý kezinde dene jaraqatyn tappady. Tekserý protsesi vıdeotirkegishke túsirildi.
Suraý barysynda A. esimdi sottalǵan vıdeoda ózge sottalǵandar kórsetilgenin, al ol 9 jyl burynǵy beınerolıkti óz múddesi úshin paıdalanǵanyn túsindirdi. Sondaı-aq ol jeke onyń tarapyna zańsyz áreketter jasalmaǵanyn túsindirdi», - delingen polıtsııa dereginde.
Málim etilgendeı, sottalǵan adamdy uryp-soǵýǵa qatysty vıdeo 2014 jyly túsirilgen. Ony jazasyn óteýshiler ózara turmystyq janjal kezinde túsirgen. Sol kezde qyzmettik tergeý júrgizilip, onyń nátıjesi boıynsha, kináli sottalǵandar tártiptik jaýapkershilikke tartylǵan. Qazirgi ýaqytta vıdeodaǵy jábirlenýshiniń ákimshilikke qatysty talaby joq.
«Osy jyldyń sáýir aıynda A. esimdi sottalǵan bas bostandyǵynan aıyrý oryndarynan bosatylǵan. Bostandyqqa shyqqaly beri quqyq qorǵaý organdaryna azaptaý týraly ótinish bildirmegen», - dep naqtylady polıtsııadan.