ShQO turǵynynyń úıinen 1 keliden astam esirtki tabyldy
ShQO Polıtsııa departamenti baspasóz qyzmetiniń málimetine súıensek, tártip saqshylary «Quqyq tártibi» jedel-aldyn alý sharasy barysynda úıinde iri kólemde esirtki saqtaǵan er adamdy ustady.
«Aýdandyq polıtsııa bólimine habarlasqan azamat óz sózinde 42 jastaǵy qala turǵynynyń úıinde esirtki zattaryn saqtaýy múmkin ekendigin jetkizdi. Aqparatty tekserý úshin polıtseıler sol jerge baryp, tintý júrgizgen. Kóp uzamaı úıden ótkir ıisi bar, ósimdik tektes zat salynǵan polımerli paket tabyldy. Saraptama qorytyndysyna sáıkes, bul jalpy salmaǵy 1 231, 52 gramdy quraıtyn «keptirilgen marıhýana» bolyp shyqty», - delingen habarlamada.
42 jastaǵy qala urǵyny marıhýanany Sadovoe aýylynyń shetinde jeke paıdalaný úshin julyp alǵanyn aıtty. Qazirgi ýaqytta atalǵan fakti boıynsha QR QK-niń 296-baby 4-bóligine sáıkes sotqa deıingi tergeý amaldary júrgizilýde.