ShQO turǵynynan 20 keli marıhýana tárkilendi
ShQO Polıtsııa departamenti baspasóz qyzmetiniń málimetine súıensek, tártip saqshylary «Óskemen-Rıdder» tasjolynda «Lada prıora» markaly avtokóligin toqtatqan. Kólik tizgininde 37 jastaǵy er adam otyrdy.
«Jedel tintý barysynda kóliktiń júk salǵyshynan aq tústi polıetılen paket tabyldy. Onyń ishindegi ótkir ıisti ósimdik tektes zat salynǵan 20 polıetılen býma tárkilendi. Saraptama qorytyndysyna sáıkes, tárkilengen zattar jalpy salmaǵy 1943,75 gramm bolatyn «keptirilgen marıhýana» esirtki zaty bolyp shyqty», - delingen aqparatta.
Sondaı-aq júrgizýshige tıesili garajdy tintý kezinde ósimdik tektes zattyń qaldyqtary bar plastık ydystar, polımerli jáne polıetılendi qapshyqtar, 20 keliden astam marıhýana salynǵan 2 flıag tabyldy.
«Jaýap alý kezinde ustalǵan azamat kinásin tolyq moıyndady. Atalǵan fakti boıynsha QR QK-niń 296-baby 4-bóligimen (ótkizý maqsatynsyz esirtki zattarymen, psıhotroptyq zattarmen, olardyń analogtarymen zańsyz jumys isteý) sotqa deıingi tergeý bastaldy», - delingen habarlamada.