ShQO turǵyny balkonnan dıvan laqtyryp jiberdi

NUR-SULTAN. QazAqparat – Óskemen turǵyny toǵyzynshy qabattaǵy balkonynan dıvan laqtyryp jiberdi, dep habarlaıdy QazAqparat altaynews.kz-qa silteme jasap.

Oqıǵa keshe Gagarın býlvarynda ornalasqan 36-shy úıde boldy. Er adam toǵyz qabatty úıdiń balkonynan áýeli dıvanyn, odan keıin qalǵan qoqysty laqtyrǵan. Kýágerler oqıǵany vıdeoǵa jazyp alyp, áleýmettik jelide taratqan.

Bul jaǵdaı tártip saqshylarynyń nazarynan tys qalǵan joq.

«Atalǵan fakti boıynsha qalanyń 40 jastaǵy turǵyny anyqtalyp, oǵan qatysty QR Ákimshilik quqyqbuzshylyqtar týral kodeksiniń 434-babymen (usaq buzaqylyq) ákimshilik quqyqbuzýshylyqtar týraly hattama toltyryldy»,- dedi Óskemen qalalyq polıtsııa basqarmasynan.