ShQO turǵyndarynan úlesker retinde zańsyz aqsha alǵan 4 kompanııaǵa aıyppul salyndy
Óńir aýmaǵynda halyqtan úlesker retinde zańsyz aqsha alǵan «Deıneka», «DALA SK INVEST», «Elit Stroy group» jáne «Royal Finance Group» kompanııalaryna 300 AEK (1 035 000 teńge) mólsherinde aıyppul salyndy.
Al besinshi kompanııa «ASILJOLGROUP» JShS-nyń materıaldary sotqa joldanǵan. Bul týraly oblystyq memlekettik sáýlet-qurylys baqylaý basqarmasynan málim etti.
«Qurylys kompanııalarynyń áli salynbaǵan turǵyn úıdi jarnamalaýy jáne satýy zańsyz. Adamdardy úleskerlikke tartý úshin olarǵa tıisti ruqsat kerek. Úlestik qurylys 3 tásilmen uıymdastyrylady. Birinshisi, «QJK» AQ - biryńǵaı operatorynan kepildikter alý arqyly. Ekinshisi, qurylysqa ekinshi deńgeıdegi bankti tartý. Úshinshisi, kóppáterli turǵyn úıdiń qańqasyn turǵyzǵannan keıin ǵana úleskerlerdiń aqshasyn tartý», - deıdi basqarma basshysy Inna Ahaeva.
Ekinshi jáne úshinshi jaǵdaıda jergilikti atqarýshy organdardyń ruqsattary talap etiledi.
Іs júzinde adamdar qurylys kompanııasynyń qujattaryn teksermeı aqsha salady. Bul qıyndyqtarǵa ákelip soǵady.
Sebebi kompanııa jaýapsyz bolýy múmkin, sonyń saldarynan satyp alýshylar jumsalǵan qarajatty qaıtarý úshin kúrdeli sot protsedýralarynan ótýi kerek.
«Qurylys kompanııasy úı, páter qandaı bolatynyn sýretter men prezentatsııalar arqyly ǵana kórsetedi. Satyp alýshyny óz páterin satyp alýǵa kóndirýge tyrysady, ony bolashaq úıdiń ornalasatyn jerimen, qosymsha artyqshylyqtarymen tartyp, baýraı túsedi. Biraq satyp alýshy qandaı jaǵdaı bolmasyn tıisti qujattardy suraýy kerek», - deıdi I.Ahaeva.