ShQO turǵyndaryna bir jylda 27 myńǵa jýyq ota jasalǵan
Áleýmettik medıtsınalyq saqtandyrý qory Shyǵys Qazaqstan oblystyq fılıaly baspasóz qyzmetiniń málimetine súıensek, 2022 jyly óńir boıynsha kúndizgi jáne táýlik boıy jumys isteıtin statsıonarlarda 6400-den astam naýqas ońaltýdan ótken.
Osy maqsatta 1,4 mlrd teńgege jýyq qarajat jumsaldy.
«Qyzmetterdiń basym bóligi eresekterge arnalǵan travmatologııalyq ońaltý emi men medıtsınalyq ońaltý boıynsha kórsetildi, naqty aıtqanda 1600-ge jýyq patsıent. Ekinshi orynda nevrologııaǵa qatysty ońaltý - 1220 adam», - deıdi fılıal basshysy Nurlan Kidirbaev.
Sondaı-aq bıyl shyǵysqazaqstandyqtar tar sheńberli mamandardan 1,1 mln-nan astam márte keńes alǵan.
«Statsıonarlyq kómek kórsetý monıtorınginiń qorytyndysy boıynsha Shyǵys Qazaqstandaǵy medıtsınalyq uıymdarda MÁMS esebinen 26 727 ota jasaldy. Onyń 260-y - joǵary tehnologııalyq medıtsınalyq ota. Budan bólek, jyl boıy oblysta 1 144 330 zerthanalyq zertteý, 501 054 aspaptyq dıagnostıka júrgizilgen», - deıdi Nurlan Kidirbaev.