ShQO turǵyndaryna 700 myń tonnaǵa jýyq kómir jetkizildi

ÓSKEMEN. QazAqparat - Jylytý maýsymyna daıyndyq jumystary mejelengen josparǵa sáıkes júrgizilýde, dep habarlaıdy QazAqparat ShQO aqparat ortalyǵyna silteme jasap.

ShQO energetıka jáne TKSh basqarmasynyń basshysy Dáýlet Batyrbaevtyń málimetinshe, búgingi kúni óńirdegi áleýmettik nysandardy jylytý maýsymyna daıyndaý jumystary qarqyndy júrgizilýde.

Densaýlyq saqtaý nysandary - 79%, bilim berý nysandary - 76%, áleýmettik qorǵaý nysandary - 82%, turǵyn úıler - 63% daıyn.

Eń bastysy, jylý kózderi men tirshilikti qamtamasyz etý nysandaryn otynmen qamtýǵa basa nazar aýdarylýda.

Oblystaǵy JEO men jylý kózderinde 342 myń tonna nemese 165% eksplýatatsııalyq qor jınalǵan. Jetkizý kelisimshartqa sáıkes júrgiziledi.

Bıýdjettik uıymdarǵa kómirdi jetkizý shilde aıynda bastaldy. Jalpy qajettilik qory - 132,1 myń tonna. Qazirgi ýaqytta 85 myń tonna nemese 62% jetkizilgen.

Turǵyndardy jylytý maýsymynda kómirmen qamtamasyz etý úshin 1123,6 myń tonna qajet. Qazir 695,8 myń tonna kómir nemese 62% jetkizildi.

19 tamyzdaǵy derekterge sáıkes, oblystaǵy temirjol tuıyqtarynda 38,3 myń tonna kómir bar. Oblys turǵyndary úshin bir tonna kómirdiń ortasha baǵasy - 12 500 teńge.

Jylytý maýsymyna daıyndyq únemi baqylaýda.