ShQO turǵyndary úshin jaryq baǵasy 10 paıyzǵa qymbattaıdy

ÓSKEMEN. QazAqparat – Shyǵys Qazaqstan oblysynyń turǵyndary úshin shilde aıynan bastap jaryq baǵasy 10 paıyzǵa qymbattaıdy, dep habarlaıdy QazAqparat tilshisi.

Óńir halqyn jaryqpen qamtamasyz etip otyrǵan «Shyǵysenergotreıd» JShS Shyǵys Qazaqstan oblystyq tabıǵı monopolııalardy retteý departamentine elektr energııasynyń shekti baǵasynyń kóterilýi týraly habarlaǵan.

«Energııa óndirýshi uıymdardyń elektr energııasyn satý baǵasy 1 maýsymnan bastap 33%-ǵa deıin ósti. Taldaý júrgizý barysynda elektr energııasynyń ortasha satý baǵasy bir kVt/saǵ úshin aǵymdaǵy shekti baǵa 21,042 teńgeden 12%-ǵa artyp, 23,595 teńgeni quraǵany belgili boldy. Soǵan baılanysty shilde aıynan bastap turmystyq tutynýshylar úshin tarıf ósimi - 10%, áleýmettik mańyzy bar ónim óndirýshiler úshin - 12%, bıýdjettik uıymdar jáne zańdy tulǵalar úshin - 18%-dy quraıdy», - deıdi departament basshysy Arman Málik.

Eske salsaq, osyǵan deıin Óskemende jylý men sý baǵasy qymbattaıtyny habarlanǵan.