ShQO turǵyndary MÁMS aıasynda medıtsınalyq kómekke jıi júgine bastady

NUR-SULTAN. QazAqparat - ShQO-da ótken baspasóz konferentsııasy barysynda MRT jáne KT joǵary dáldikti dıagnostıkasy, qymbat turatyn zertteýler, medıtsınalyq ońaltý, onyń ishinde MÁMS aıasyndaǵy medıtsınalyq ońaltý qyzmetterine qol jetkizý týraly aıtyldy, dep habarlaıdy QazAqparat.

Eger ótken jyly qazaqstandyq medıtsına úlken aýyrtpalyqty bastan keshirse, myńdaǵan emdelýshiler josparly medıtsınalyq kómek alý múmkindiginen aıyrylsa, qazir elimizdiń barlyq medıtsınalyq uıymdary óz jumystaryn shtattyq rejımde jalǵastyrýda.

«Áleýmettik medıtsınalyq saqtandyrý qory» KEAQ ShQO boıynsha fılıalynyń dırektory Ǵalymjan Ábilovtyń málimetinshe, birinshi toqsanda halyqqa kórsetilgen medıtsınalyq qyzmetterdiń ósýi baıqaldy. Emhana deńgeıinde konsýltatıvtik-dıagnostıkalyq kómek kólemi 18 paıyzǵa artty. Shyǵys Qazaqstan boıynsha barlyǵy 3,3 mlrd teńgege 2,3 mln osyndaı qyzmet kórsetildi. Medıtsınalyq saqtandyrý qory KT, MRT, 40 myń skrınıngtik zertteýlerdiń toǵyz myńnan astam qyzmetin qarjylandyrdy.

Jańa medıtsınalyq tehnologııalardy qoldana otyryp, hırýrgııalyq aralasýlar sany 30 paıyzǵa artty. Jyl basynan beri oblys turǵyndaryna elimizdiń medıtsınalyq uıymdarynda 82 operatsııa jasaldy.

Qor medıtsınalyq ońaltýdy damytýdy, onyń ishinde ambýlatorııalyq deńgeıde yntalandyrýdy jalǵastyrýda. Máselen, Qazaqstanda ońaltý kómegin kórsetetin medıtsınalyq uıymdardyń sany eki jylda on esege jýyq ósti. Onyń ishinde Shyǵys Qazaqstan oblysy boıynsha ońaltý kómegin kórsetetin medıtsınalyq uıymdardyń sany sońǵy jyly 15 paıyzǵa ulǵaıdy. Ambýlatorııalyq-emhanalyq deńgeıde 270 mln teńge somasyna 270 myń ońaltý qyzmeti kórsetildi.

Qor eldegi ońaltýdy, onyń ishinde kovıdten keıingi ońaltýdy damytýdy barynsha qoldaıdy. Bul qaýipti sozylmaly aýrýlardyń erte satyda damýynyń aldyn alýǵa múmkindik beredi. Olardy emdeý densaýlyq saqtaý bıýdjetinen qomaqty qarjylyq shyǵyndardy talap etýi múmkin.

Máselen, bıylǵy jyldyń birinshi toqsanynda kúndizgi jáne táýlik boıy statsıonarlarda 730 mln teńgeden astam somaǵa 2,5 myńǵa jýyq patsıent ońaltýdan ótti. Ambýlatorııalyq-emhanalyq deńgeıde 270 mln teńge somasyna 280 myń qyzmet kórsetildi.

Aýyldyq medıtsınany qoldaýǵa keletin bolsaq, ótken jyly shalǵaıdaǵy aýyldyq eldi mekenderdiń turǵyndary úshin 11 jyljymaly medıtsınalyq keshen satyp alyndy. «Dóńgelekti emhanada» beıindi mamandardan keńes alýǵa, skrınıngterdi qosa dıagnostıkadan ótýge, zerthanalyq taldaýlar tapsyrýǵa, vaktsınatsııa jasaýǵa, aýrýhanaǵa jatqyzýǵa joldama jáne medıtsınalyq kómektiń birqatar basqa da túrlerin alýǵa bolady. Osy jyldyń basynan bastap mobıldi medıtsınalyq keshender arqyly eki myń qyzmet kórsetildi.

Birinshi toqsandaǵy mindetti medıtsınalyq saqtandyrý júıesindegi jumys qorytyndylary týraly aıta otyryp, koronavırýstyń taralýyn boldyrmaý, covid-19 naýqastaryn dıagnostıkalaý jáne emdeý sharalaryn qarjylandyrýdaǵy qordyń rólin atap ótken jón.

Qarjylandyrýdyń negizgi somasy koronavırýspen kúreske tartylǵan medıtsına qyzmetkerleriniń jalaqysyna ústemaqy tóleýge kózdelgen.

- Qańtar aıynda bes myńnan astam medıtsına qyzmetkeri 929 mln teńgege ústemaqy aldy. Aqpan aıynda jeti myń dárigerge 695 mln teńge bólindi. Naýryz aıynda tórt myńnan astam dáriger úshin tólem somasy 600 mln teńgeni qurady. Ústeme retinde barlyǵy 2 mlrd teńgeden astam qarjy esepteldi, - dedi Ǵalymjan Ábilov.

Sondaı-aq, spıker medıtsınalyq saqtandyrý qorynyń qarajaty esebinen PTR-zertteýlerge qoljetimdilik keńinen qamtamasyz etilgenin habarlady. Eger ótken jyly shamamen 116 myń PTR-test júrgizilse, bıylǵy jyldyń alǵashqy aılarynda KVI vırýsyn anyqtaý úshin 74 myń zertteý qarjylandyryldy. Mobıldi brıgadalardyń shyǵýlaryna keletin bolsaq, munda aıtarlyqtaı ósý dınamıkasy baıqaldy.