ShQO turǵyny jolda jaraly jatqan, Qyzyl kitapqa engen qusty qutqaryp qaldy

<p>ÓSKEMEN. KAZINFORM &ndash; Shyǵys Qazaqstan oblysy Glýbokoe aýdanynyń turǵyny jolda jaraly jatqan, Qyzyl kitapqa engen qusty qutqaryp qaldy.&nbsp;</p>

Glýbokoe aýdany Opytnoe pole aýylynda turatyn áıel adam jolda jatqan dala búrkitin kórip qalǵan. Qazaqstannyń Qyzyl kitabyna engen qustyń qanaty jaralanǵany baıqalǵan.

«Aýyl turǵyny birden polıtsııaǵa habarlasty. Oqıǵa ornyna ýchaskelik polıtsııa qyzmetkeri Erjan Taşanov kelip jetti. Sodan soń qus Óskemendegi veterınarlyq klınıkaǵa jetkizildi», - dep habarlady ShQO Polıtsııa departamentiniń baspasóz qyzmetinen.

Endi qus qaladaǵy Sol jaǵalaý saıabaǵynda ornalasqan haıýanattar baǵynda ońaltýǵa jiberiledi.

Eske salsaq, osyǵan deıin ShQO-da halyqaralyq «Shyǵys salburyny» búrkitshiler festıvali ótetindigi habarlanǵan.