ShQO Tótenshe jaǵdaılar departamenti Jańa jyl qarsańynda turǵyndarǵa eskertý jasady

ÓSKEMEN. QazAqparat Shyǵys Qazaqstan oblysynda bıyl 12 balkon órtengen, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, kóp jaǵdaıda tilsiz jaýdyń shyǵýy – otty abaısyz qoldaný sebep bolýda.

«Tájirıbe kórsetkendeı, eger órtti bastapqy kezinde óshirmese, onda ol páterge ǵana emes, kópqabatty turǵyn úıdiń joǵarǵy qabattaryna da taralady. Sondaı-aq balkondaǵy jeńil janatyn zattardyń saqtalýy ottyń shyǵýyna ákelip soǵady. Onda kóbinese dóńgelekteri joq velosıped, synǵan jıhaz, kıim-keshek jáne taǵy da basqa zattar jatady. Sondyqtan balkonnan tez janatyn materıaldardan jasalǵan zattardy alyp tastaǵan jón», - delingen aqparatta.

Jańa jyl merekesinde balkondardaǵy órt jıileı túsedi. Buǵan sapasyz otshashýlar men azamattardyń qaýipsizdik sharalaryn saqtamaı balkonǵa shyǵyp pırotehnıka qoldanýy sebep.

Aıta keteıik, jyl basynan beri óńir boıynsha 12 balkon órtenip ketken.