ShQO taýly aımaqtarynda 6 ret jarylys jasalyp, 7300 tekshe metr qar túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda qar kóshkini júrý qaýpi birneshe kúnnen beri saqtalyp keledi.

Soǵan oraı búgin «Óskemen-Altaı» tasjolynyń 58-66 shaqyrymynda profılaktıkalyq kóshkin túsirý jumystary júrgizildi.

«Qazseldenqorǵaý» ShQ fılıaly jáne TJD mamandary tasjol boıynda 6 jarylys jasady. Nátıjesinde, 7300 tekshe metr qar túsirildi», - dep habarlady vedomstvo ókilderi.

Qys mezgili bastalǵaly beri oblysta 46 ret jasandy jolmen qar kóshkini júrgizilip, jalpy kólemi 37 010 tekshe metr qar túsken.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.